| وصل کا موسم ہے تھوڑی! کیا کریں |
| ہجر کی چادر ہے اوڑھی کیا کریں |
| ایک دریا کے کناروں کی طرح |
| کیا عجب اپنی ہے جوڑی کیا کریں |
| سرد آہوں کی کسک یخ بستہ تھی |
| آئینے کی آنکھ پھوڑی کیا کریں |
| شور اٹھا لائے ہی ہم بازار سے |
| جیب میں ہوگی نہ کوڑی کیا کریں |
| درد کی آندھی کا جیسے رقص تھا |
| ایک اک رگ ہے مروڑی کیا کریں |
| گردشِ دوراں نے ورثے میں ہمیں |
| اتنی تنہائی ہے چھوڑی کیا کریں |
| وقت کی آہٹ ہے شؔیدا بے لگام |
| اک سبک رفتار گھوڑی کیا کریں |
معلومات