| ببلی نے اِک مرغی پالی |
| دیکھنے میں ہے بھولی بھالی |
| کُٹ کُٹ کُٹ کُٹ کرتی جائے |
| دانہ دنکا خوب ہے کھائے |
| انڈے اُس کے خالص دیسی |
| طاقت اُن میں گھی کے جیسی |
| ببلی کھائے اُبلے انڈے |
| سیر کو جائے بس وہ سنڈے |
| ببلی جب بھی پڑھتی ہے |
| مرغی آ کے لڑتی ہے |
| پَل پَل پڑھنا چھوڑو تم |
| میرے ساتھ بھی دوڑو تم |
| مرغی کُٹ کُٹ کرتی جائے |
| ببلی سے وہ خوش ہو جائے |
| محنت کرنا ببلی پیاری |
| شونی مونی راج دُلاری |
| اللہ کا انعام بھی ہوگا |
| چرچا تیرا عام بھی ہوگا |
معلومات