| مرا ہے دل یا پھر بجھا چراغ ہے غریب کا |
| لٹا ہے یوں کہ ہو وہ مال جیسے بد نصیب کا |
| ہوا لہو لہو جگر تو دل بھی پاش پاش یہ |
| سنا تھا باغباں نے حال جب سے عندلیب کا |
| بہت ہے سہل دل مرے کو زخم دے کے چھوڑنا |
| دعا مری تو مت اٹھائے بوجھ اس صلیب کا |
| کریں گے ایک دن حساب ظلم تیرے دور کا |
| صلیب خود اٹھاؤ گے ہے فیصلہ حسیب کا |
| غرور چھوڑ دے کہ ایک روز ضعف آئے گا |
| نہ پوچھے گا تجھے عزیز دور کا قریب کا |
| سنو دبے قدم ہے موت بڑھ رہی تری طرف |
| بجے گا کچھ ہی دیر میں یہاں طبل نقیب کا |
| ملے گی ڈھیل تجھ کو ،ناں ملی کسی کو پہلے ہے |
| ہے وار کارگر بہت حیات کے رقیب کا |
| حیات کا سفر ہے درد اور تھکن بھرا ہوا |
| ملی خوشی جسے وسیم ہے بڑے نصیب کا |
| ہے وقتِ مرگ آج ہائے دید کی ہی تشنگی |
| طبیب چھوڑ عکس ہی دکھا مجھے حبیب کا |
معلومات