| کرم ہو نبی جی گدا در پہ آیا |
| کریں رحمتوں کا گھنا اس پہ سایہ |
| اسے اس زمانے نے ٹھکرا دیا ہے |
| ملے برکتوں کی اسے خوب مایہ |
| یہ دل میں لیے ہے امیدِ شفاعت |
| بھرا نامہ عصیاں سے یہ ساتھ لایا |
| کہاں تھا یہ قابل اجازت ملے گی |
| مگر ہجرِ جاں نے اسے تھا ستایا |
| ملے دان اس کو گراں رحمتوں کا |
| تجھے رب نے داتا کرم کا بنایا |
| ہے منبع عطا کا سخی در یہ تیرا |
| خدا نے جو قاسم تجھے ہے بنایا |
| سخی میرے آقا نظر ہو عطا کی |
| ہے دامن یہ خالی جو محمود لایا |
معلومات