| خیالِ خام کو تعبیر اِک نئی بخشی |
| وہ اک خیال جسے میں نے زندگی بخشی |
| نظر کو خواب دیے اور برہمی بخشی |
| پھر اُس کی یاد نے بھی آنکھ کو نمی بخشی |
| نسیمِ صبح چلی۔ جسمِ ناتواں لے کر |
| اُسی خیال نے پھر مجھ کو روشنی بخشی |
| ہوس کی آگ میں سب خواب جل گئے میرے |
| بدن نے لمس دیا اور اِک کمی بخشی |
| مقامِ جبر میں تم میرا مرتبہ دیکھو |
| ہر ایک زخم کو دیکھو نا نغمگی بخشی |
| سکوت پھیل گیا اور مرگ پھیل گئی |
| ترے خیال نے تب مجھ کو تازگی بخشی |
| سید ہادی حسن |
معلومات