| دل میں طلب شگفتہ شاہِ حجاز کی |
| دلدارِ کبریا کی ذرہ نواز کی |
| مولا ثنائے جاناں ایسی زباں کو دے |
| جو کشف عام کر دے ہستی کے راز کی |
| مدحت سرا ہوں بلبل میری زبان سے |
| مضراب جانے ہستی اس دل کے ساز کی |
| عکسِ جمالِ یزداں پیشِ نظر رہے |
| دیکھے تجلیٰ دل بھی ہستی کے ناز کی |
| حاصل سکونِ دل ہو دیدِ حبیب سے |
| چاہت سوا کرے جو عمرِ دراز کی |
| طالب دلِ حزیں ہے دیدِارِ یار کا |
| ہر آن چاہے مجلس بندہ نواز کی |
| محمود موڑ لو گے ہر ما سوا سے منہ |
| گنجِ گراں ہے الفت دانائے راز کی |
معلومات