| یہ دل ترے ہونے سے دھڑکتا ہی رہے گا |
| کوچے میں قفس کے یہ پھڑکتا ہی رہے گا |
| یہ آتشِ غم ایک جہنم ہی سمجھیے |
| یہ شعلۂ بے تاب لپکتا ہی رہے گا |
| یہ راہِ فرنگی بڑی پرپیچ ہے بھائی |
| اس میں جو تو بھٹکا تو بھٹکتا ہی رہے گا |
| یہ زخم بھی مرہم سے کبھی بھرتا ہے ثانی |
| آنکھوں سے مری اشک ٹپکتا ہی رہے گا |
| غم سے ہے مرے دل کو بڑا خاص تعلق |
| پیراہنِ غم دل سے چپکتا ہی رہے گا |
| ان شربتی آنکھوں سے بچا دامنِ دل کو |
| اک بار جو بہکا تو بہکتا ہی رہے گا |
| کیا اس بتِ کافر سے لگاتا ہے تو دل کو |
| وہ جادۂ ارماں سے کھسکتا ہی رہے گا |
| ہرچند کہ مَے میں نظر آتا ہی نہیں ہے |
| پیمانے میں یہ رنگ جھلکتا ہی رہے گا |
معلومات