| دِلم قربان جاں حاضر مرا ہے پیار پاکستان |
| زمانے میں مری پہچاں، مرا اظہار پاکستان |
| نہیں ملتی ہے آزادی کسی بازار میں سن لو |
| شہیدوں کا لہو دے کر ملا دشوار پاکستان |
| جو بد قسمت ہو اس کی قدر وہ کر ہی نہیں سکتا |
| میں نازاں اپنی قسمت پر مرا گھر بار پاکستان |
| مرے دل کا یہ ٹکڑا ہے مری جاں کا سہارا ہے |
| مرے سکھ کا یہ ساتھی ہے مرا غم خوار پاکستان |
| یہی ہے آرزو دیکھوں میں جا کے اپنی جنت کو |
| یہاں سب کچھ ہے لیکن، ہے مجھے درکار پاکستان |
| یہ دھرتی کتنی پیاری ہے یہاں کے رنگ سچے ہیں |
| مرے رب کا کرم ہے یہ، ہے اک شہکار پاکستان |
| ثمر قربانیوں کا محنتوں کا یوں رہے جاری |
| اے رب اقوامِ عالم کا بنے سردار پاکستان |
معلومات