ہو عشق میرے دل میں شاہِ حجاز کا |
مختار مصطفیٰ کا بندہ نواز کا |
مدحت حضور کی میں ایسے بیاں کروں |
مندوب راگ ہو جو ہستی کے راز کا |
مرغِ چمن یہ سارے اپنے رقیب ہوں |
مقبول ہو ترانہ نغمہ نواز کا |
جھومے یہ کل زمانہ گردوں کے ساتھ ساتھ |
طاری اثر ہو سب پر سوز و گداز کا |
سجدے میں آنکھ دیکھے عکسِ جمالِ ہُو |
ہو رنگ اسریٰ والا ایسی نماز کا |
گوناں سکون دل میں یادِ نبی سے ہو |
پنپے ارادہ من میں عمرِ دراز کا |
مطلوب میرے دل کا حسنِ حبیب ہے |
عکسِ جمیل چاہے بندہ نواز کا |
محمود پاک سینہ ہر ما سوا سے ہو |
بسیار کرم تجھ پر ہو کار ساز کا |
معلومات