| آمدِ سرکار سے ہیں ضو فشاں دونوں جہاں |
| جان وہ کونین کی اُن سے چلی ہر داستاں |
| کس تجلیٰ کا ضیائی جلوہ دیکھا طور نے |
| طیبہ کے داماں میں آ راز دیکھو گے فشاں |
| نور والا آ گیا قرآں لئے نوری کتاب |
| جس میں شانِ مصطفیٰ ہے کبریا کا ہر بیاں |
| جانِ جاں سرکار ہیں مولائے من دلدارِ من |
| آپ سے ہے نبضِ ہستی اور چلتے ہیں زماں |
| چل رہے ہیں رات دن بھی وجہہ کن سرکار سے |
| اُن کے قدموں سے رواں ہیں دو جہاں کے کارواں |
| کیا ہے شانِ مصطفیٰ پردے میں رکھے خود خدا |
| آپ وجہہ کن ہوئے ہے آپ سے ہستی رواں |
| جان اے محمود وہ ہیں دو جہاں میں روشنی |
| مصطفیٰ صلے علیٰ ہیں شانِ قدرت کا نشاں |
معلومات