| نظم اردو |
| نیا ہے زمانہ نئی آگہی ہے |
| وہ بھی جانتا ہے جو بات ان کہی ہے |
| مگر ایک اس میں خرابی بڑی ہے |
| وی لاگوں کی عادت سبھی کو پڑی ہے |
| غلط اور سچائی گڈ مڈ ہوئی ہیں |
| برائی و نیکی بھی گڈ مڈ ہوئی ہے |
| انہیں دونوں کے بیچ ہم سب پھسے ہیں |
| انہیں کے شکنجے میں ہم بھی پھسے ہیں |
| جو سچائی پر خاک سی پڑ گئی ہے |
| ہٹانے کی اس کو ضرورت بڑی ہے |
| مگر کرنا پڑتا تلاش اب بھی سچ ہے |
| چھپایا گیا اب بھی پردے میں سچ ہے |
| یہ یو ٹوب پھیلائے نت جھوٹی خبریں |
| سماعت سے ٹکرائے نت جھوٹی خبریں |
| یہ وی لاگ والے بھی روز اک کہانی |
| سناتے ہیں سب کو نئی منہ زبانی |
| وہ سچ بولیں گے گر تو مر جائیں گے سب |
| وہ فاقے کریں گے کدھر جائیں گے سب |
| خریدار ان کو ملے جھوٹ کے ہیں |
| طلب گار ان کو ملے جھوٹ کے ہیں |
| انہیں جھوٹ بکنے کے ملتے ہیں پیسے |
| وہ سچ بول سکتے بھلا پھر ہیں کیسے |
| وہی بیچیں گے وہ جو چاہیں گے گاہک |
| تبھی تو نئے ان کے آئیں گے گاہک |
| اسی سے ہی انور چلے ان کی روٹی |
| اسی سے کماتے ہیں رقمیں وہ موٹی |
| انور نمانا |
معلومات