| تجُھ سے شہپر کا تماشا نہیںدیکھا جاتا |
| اِس جھکے سر کا تماشا نہیںدیکھا جاتا |
| بھر لئے آنکھ میں آنسو کہ ہو منظر دُھندلا |
| ٹُوٹتے گھر کا تماشا نہیں دیکھا جاتا |
| پیڑ پر جلتے ہوئے گھر نہیں دیکھے جاتے |
| سوختہ پر کا تماشا نہیںدیکھا جاتا ۔ |
| ہم کو آشفتہ سری قیس نہ راس آئے گی |
| سنگ اور سر کا تماشا نہیں دیکھا جاتا۔۔ |
| توُ غنی ہے سو خزانوں سے عطا کر مالک |
| مجھ سے در در کا تماشا نہیں دیکھا جاتا |
| وہ بھلا دل پہ گِرے اشک کہاں دیکھے گا |
| جِس سے ظاہر کا تماشا نہیںدیکھا جاتا |
| دل کی ڈُگ ڈُگ کو سنیں رقص کریں اور چلیں |
| زندگی بھر کا تماشہ نہیںدیکھا جاتا |
| عاطف جاوید عاطف |
معلومات