| بے سوچے اجنبی سے ہوئی دل لگی سی تھی |
| چنگاری دل میں ایک وفا کی دبی سی تھی |
| آنکھوں میں پیار، من میں عجب کھلبلی سی تھی |
| بے سمجھے برتی اس نے ہی پر بے رخی سی تھی |
| باتوں سے انبساط ٹپکتا چلا گیا |
| چہرے سے کیوں جھلکتی یہ افسردگی سی تھی |
| چرچے تو ہر زباں پہ روا داری کے رہے |
| "لیکن دلوں میں گرد کدورت جمی سی تھی" |
| ماحول پر سکون رہا دور دور تک |
| افواہوں سے تو پھیلی مگر سنسنی سی تھی |
| کردار کی مہک نہ چھپانے سے چھپ سکے |
| انداز گفتگو میں عیاں عاجزی سی تھی |
| جلوہ فروزی پا سکی ناصؔر عروج جب |
| رعنائی بزم ناز کی تب دیدنی سی تھی |
معلومات