.jpg)
| اے صَوتِ اَلَست کے دِیوانو |
| اے قَالُو بَلٰی کے فَرزانو |
| کیا یاد ہے تم کو وقتِ عہد |
| جب میل ہوا تھا انسانو |
| اِک شَمع وہاں پر رَوشن تھی |
| اور عِشق تھا شُعْلَہ پَروانو |
| آواز وہ کِتنی شِیریں تھی |
| دَم مَست ہُوا تھا مَستانو |
| کُچھ ہوش میں تھے کُچھ مَست ہوئے |
| میں تو وَاری گیا اے قُربانو |
| کوئی ڈوبا تھا کوئی پار ہُوا |
| کوئی نَاؤ بنا اے ہم خَوانو |
| جو صُورت وَاں تھی پیش نظر |
| اُسے ڈھونڈ لیا ہے سُلطانو |
| وہ ہر جَا ہے ہر دِل میں ہے |
| مایُوس نہ ہونا ویرانو |
| میں ہوں سَاقی کا، سَاقی میرا ہے |
| کہیں اور چَلو اے پَیمانو |
معلومات