| آتا ہے اسے خوب ہنسانے کا سلیقہ |
| روٹھے ہوؤں کو پاس بلانے کا سلیقہ |
| کیوں نیند میں بھی خواب اسی کے مجھے آئیں |
| ہے خواب میں بھی اس کو لبھانے کا سلیقہ |
| اے حسن مجسم مجھے مرغوب ہوا ہے |
| آنکھوں سے ترا جام پلانے کا سلیقہ |
| معصوم ادا تم نے یہ سیکھا ہے کہاں سے |
| اس ناز سے عاشق کو ستانے کا سلیقہ |
| ان کانپتے ہونٹوں پہ ہے انکار مسلسل |
| دھڑکن کے لرزنے کو چھپانے کا سلیقہ |
| گھر میں ہو مگن اور بلاؤں اسے چھت پر |
| آتا ہے اسے جان چھڑانے کا سلیقہ |
| کس شان سے وہ زلف جھٹک کر کہے "سوری" |
| روٹھوں میں تو اس کو ہے منانے کا سلیقہ |
معلومات