| سمندر پار کے بارے میں مجھ کو |
| بتاؤ یار کے بارے میں مجھ کو |
| ۔۔۔۔۔۔۔۔۔۔۔۔۔۔۔۔۔ |
| ضرورت ہی نہیں ہے پوچھنے کی |
| مرے معیار کے بارے میں مجھ کو |
| ۔۔۔۔۔۔۔۔۔۔۔۔۔۔۔۔۔ |
| خبر ہے ہر گھڑی کی یوں سمجھ لو |
| ہاں اک سنسار کے بارے میں مجھ کو |
| ۔۔۔۔۔۔۔۔۔۔۔۔۔۔۔۔۔ |
| بتانا چاہتی ہیں تتلیاں کچھ |
| گل و گلزار کے بارے میں مجھ کو |
| ۔۔۔۔۔۔۔۔۔۔۔۔۔۔۔۔۔ |
| خبر ہے اے مری جانِ تمنا |
| ترے کردار کے بارے میں مجھ کو |
| ۔۔۔۔۔۔۔۔۔۔۔۔۔۔۔۔۔ |
| ہمیشہ خوشں گُمانی ہی رہی ہے |
| مرے اشعار کے بارے میں مجھ کو |
| ۔۔۔۔۔۔۔۔۔۔۔۔۔۔۔۔۔ |
| میاں خوفِ خدا رہتا ہے ہرپل |
| اُسی حق دار کے بارے میں مجھ کو |
| ۔۔۔۔۔۔۔۔۔۔۔۔۔۔۔۔۔ |
| ستاتے ہیں ہمیشہ خواب مانی |
| در و دیوار کے بارے میں مجھ کو |
معلومات