| گھر سے نکلا نجات کی خاطر |
| جان کی احتیاط کی خاطر |
| اک سکوتِ عمیق میں گزری |
| تجھ سے ترسا تھا بات کی خاطر |
| راکھ میں علم کا ورق لپٹا |
| دل جلا کائنات کی خاطر |
| جس کو دیکھا وہی تھا آئینہ |
| بند تھا خواہشات کی خاطر |
| عشق آنکھوں سے دے ہٹا پردہ |
| کیا کریں انبساط کی خاطر |
| موسموں کی طرح سے لوگوں نے |
| رنگ بدلے حیات کی خاطر |
| کرب چمکا تو نور آیا کہیں |
| درد لازم ہے ذات کی خاطر |
| لب ہلے بھی تو بول پایا نہ |
| لفظ کم ہیں نجات کی خاطر |
| وہ بھی کیا زندگی ہوئی جس میں |
| دن گزارا ہے رات کی خاطر |
| کیا بتائیں کہ ہم پہ گزری کیا |
| خُلد میں تیرے سات کی خاطر |
| کون تھا جو میں ہو نہ پایا کبھی |
| کیا ہوں طارق بساط کی خاطر |
معلومات