| یہ سوچا تو نہیں لیکن خفا ہونا ضروری تھا |
| بچھڑنا طے ہوا تو پھر جدا ہونا ضروری تھا |
| ہماری دسترس میں تھی مگر پھر بھی گنوا بیٹھے |
| محبت میں کسی کا تو خدا ہونا ضروری تھا |
| چراغِ انجمن تھا میں مجھے جلنا تھا ساری شب |
| اندھیری رات میں کوئی دیا ہونا ضروری تھا |
| بکا بابا کا گھر سارا ہوئی رخصت جواں بیٹی |
| فریضہ سخت تھا لیکن ادا ہونا ضروری تھا |
| بلی دانوں کو مدت سے تڑپ تھی خوں کی شدت سے |
| کہا قاتل نے بسمل سے ترا ہونا ضروری تھا |
| کہ میں پگڑی کا وارث تھا مرے حصے میں محنت تھی |
| یتیموں کے گھرانے کا بڑا ہونا ضروری تھا |
| بساطِ جان پر ساغر سکوتِ مرگ طاری تھا |
| نمازِ عشق کا آخر قضا ہونا ضروری تھا |
معلومات