| ذکرِ نبی دلوں کے گلشن سجا رہا ہے |
| اجڑے دیار تھے جو جنت بنا رہا ہے |
| نامِ نبی سے سینہ ہے باغ باغ ہوتا |
| لگتا ہے دل نکل کر بطحا کو جا رہا ہے |
| راضی خدا ہے تم پر فاراں کو جانے والے |
| کر ناز میرے ہمدم دلبر بلا رہا ہے |
| عاصی کو ساتھ لے لیں دربار جانے والے |
| گجرے درودوں کے ہیں جو دل سجا رہا ہے |
| مولا کرم ہو تیرا باری جو آئے میری |
| یہ کہہ دے من حزیں کا پیغام آ رہا ہے |
| جانا ہے اُن کے در پر دکھڑے ہزار لے کر |
| اُس پار بیڑے سب کے آقا لگا رہا ہے |
| محمود ہو مقابل روضہ حبیبِ رب کے |
| کہہ دوں حسین سپنے مولا سجا رہا ہے |
معلومات