| نمازوں کو اپنی نہ ہرگز قضا کر |
| عذاب الہی سے ہر وقت ڈرا کر |
| مٹا دے تو ہستی خدا کی رضا میں |
| عبادت، ریاضت میں خود کو فنا کر |
| ہے راہ ہدایت پہ چلنا ہمیشہ |
| سراسر ضلالت سے راہیں جدا کر |
| نہ مقصد سے غفلت برتنا ہے تجھ کو |
| فریضہ کو حسن عمل سے ادا کر |
| پس و پیش ملت کی خاطر نہ کرنا |
| تامل کئے بن تو خدمت سدا کر |
| یہ سارا جہاں ہے قبیلہ ہمارا |
| ہے انساں تو انسان بن کے جیا کر |
| حسد کوشی ناصؔر پنپنے نہ دینا |
| عداوت سے بھی رکھنا دامن بچا کر |
معلومات