| شکستہ رہ کے سعی کی طرف نہیں دیکھا |
| ستم گری ہے کمی کی طرف نہیں دیکھا |
| تھکن اٹھائی غمی کی طرف نہیں دیکھا |
| "کبھی خوشی سے خوشی کی طرف نہیں دیکھا" |
| کٹھن سفر میں رکھیں عزم پختہ گر دل میں |
| تپش، جلن، لو کسی کی طرف نہیں دیکھا |
| غم فراق نے آنکھوں کو اشکبار کیا |
| پہ حال دیکھیں نمی کی طرف نہیں دیکھا |
| حریص بھوکے تھے ہیرے جواہرات کے بس |
| جو قدر داں تھے، زری کی طرف نہیں دیکھا |
| بجھے بجھے ہیں ارادے، ہے سونا سونا من |
| سہانی رت ہو، کلی کی طرف نہیں دیکھا |
| شعور زیست ہے ناصؔر تو انقلاب آئے |
| ہو بے ضمیری، حسی کی طرف نہیں دیکھا |
معلومات