| آنا درِ حضور پہ روزانہ ہو گیا |
| فیضِ نگاہ آپ کا شاہانہ ہو گیا |
| میلادِ مصطفیٰ کا ہے فیضان ہر طرف |
| " روشن تمام کعبہ و بت خانہ ہو گیا" |
| نورِ خدا کی شمع ہدایت کی ہیں ضیا |
| ہر اک نبی حضور کا پروانہ ہو گیا |
| رب کی تجلیات کا مرکز بنا ہے یہ |
| پُر نور آمنہ کا یہ کاشانہ ہو گیا |
| کیا ہے رضا خدا کی سمجھنے کے واسطے |
| عشقِ رسولِ پاک ہی پیمانہ ہو گیا |
| در پر کھڑا تھا دید ہو میرے حضور کی |
| جلوہ مرے حضورﷺ کا نذرانہ ہو گیا |
| یہ بھی کرم سخی پہ ہے آقاﷺ کا رات دن |
| پڑھنا سلام آپ پہ روزانہ ہو گیا |
| انجینیر سخی سرمست گلبرگہ شریف |
معلومات