| عطرِ دیارِ یار ہے بادِ نسیم میں |
| توصیف گر ہے ٹھاٹھ سے شانِ کریم میں |
| خوشبو فضائے باغ میں صدق و یقین سے |
| رہتی بھری جو فیض سے ان کے حریم میں |
| جس دان سے حسین ہے تصویرِ کائنات |
| ہوتی ضیا اسی سے ہے قلبِ سلیم میں |
| کون و مکاں میں نعمتیں جاری حضور سے |
| کیا کیا نہیں ہیں بخششیں فیضِ قدیم میں |
| لولاک سے یہ دہر ہے کوثر تمام بھی |
| مولا نے رکھ دیا ہے جو داماں کریم میں |
| مبدا میں وہ جو نور ہیں دولہا ہیں حشر کے |
| ہر فیض ہے حضور سے دانِ عظیم میں |
| وہ نبضِ کل جہان ہیں جانِ جہاں سخی |
| ملتی نہیں نہیں جہاں طبعِ سلیم میں |
| دیتا خدا ہے خلق کو صدقے حبیب کے |
| محمود فیضِ یزداں ہے لطفِ حلیم میں |
معلومات