| عدل ہو مفقود دنیا میں سکوں رہتا نہیں |
| ظلم کی یلغار سے گوشہ کوئی بچتا نہیں |
| دیکھنا اہلِ ہوس جب بھی کبھی حق دب گیا |
| پھر جہاں کو آشتی و امن راس آتا نہیں |
| عدل کی بنیاد پر قائم ہے دنیا کا نظام |
| ورنہ طاقت کا تلاطم کوئی حد رکھتا نہیں |
| پار ہو جائے نا تیرِ ظلم قلبِ عدل کے |
| زخم یہ تقدیر بن جائے تو پھر بھرتا نہیں |
| گر مقدم عدل ہو تو ہے جہاں جنّت نظیر |
| ورنہ زورِ بازو سے باغِ جناں ملتا نہیں |
| عدل کی دولت میسر ہو جسے بھی اے حَسَن |
| وہ کبھی ظلم و ستم کے سامنے جھکتا نہیں |
| رانا حسن |
معلومات