| ہمیں دشمنوں سے شکایت نہیں ہے |
| مگر دوستوں کی رعایت نہیں ہے |
| ہماری وفا کی حکایت نہ پوچھو |
| کہ سچ کو یہاں اب حمایت نہیں ہے |
| ہمیشہ رہے گی یہ شاہی تمھاری؟ |
| یہ کوئی خدائی کی آیت نہیں ہے |
| وطن سب کی مٹی ہے، سب کا لہو ہے |
| کسی کو الگ سے عنایت نہیں ہے |
| جھکے سر ہمارا کسی کے بھی آگے |
| ہمارے لیے یہ روایت نہیں ہے |
| ستم گر! ترے ظلم کی بھی حدیں ہیں |
| یہ کس نے کہا ہے نہایت نہیں ہے |
| قلم بیچ دینا، ضمیر اپنا بیچو |
| کہ اس سے بڑی اک جنایت نہیں ہے |
| غزل میں بھی حافظؔ وہی بانکپن ہے |
| کسی کی مجھے اب ہدایت نہیں ہے |
معلومات