| ان کے قدم نے پورا گلشن سجا دیا ہے |
| اجڑا دیار تھا جو جنت بنا دیا ہے |
| آراستہ چمن یہ ان کے لئے ہوا یوں |
| کوثر نے نعرہ حق کا اونچا لگا دیا ہے |
| اصلِ وجودِ ہستی ان پر عیاں ہے ساری |
| سرکار نے یہ قصہ سارا سنا دیا ہے |
| قائم ہے انجمن یہ فیضانِ مصطفیٰ سے |
| لو لاک کہہ کے رب نے ڈنکا بجا دیا ہے |
| ان کے کرم کے موتی چنتے ہیں دہر سارے |
| ظلمت کو نورِ رب نے ایسے بھگا دیا ہے |
| جگ مگ دہر کے استھاں فیضِ جلیل سے ہیں |
| اپنا حبیب رب نے قاسم بنا دیا ہے |
| محمود مصطفیٰ ہیں کل انبیا میں اعلیٰ |
| میثاق میں خدا نے یہ بھی بتا دیا ہے |
معلومات