| آئے ہو تم اچھالنے کے لئے |
| درد ہوتے ہیں پالنے کے لئے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| کتنے پتھر تراش ڈالے ہیں |
| ایک بت کو نکالنے کے لئے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| رنج و غم نے اجاڑ ڈالا ہے |
| تم نہ ائے سنبھالنے کے لئے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| ریت پر دائرے بنانے لگا |
| کچھ نہیں تھا خیالنے کے لئے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| جھانک لیتا ہوں اپنے ماضی میں |
| اُس کی یادیں اجالنے کے لئے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| مسکرا کر وہ دیکھ لیتا ہے |
| اِک ذرا مجھ کو ٹالنے کے لئے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| پھول لایا ہے میرا قاتل بھی |
| میری تربت پہ ڈالنے کے لئے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| ورد کرتا ہوں رات دن مانی |
| اِک مصیبت کو ٹالنے کے لئے |
معلومات