| جاری رہے زبان پہ نغمہ درود کا |
| جنت میں لے کے جائے گا تحفہ درود کا |
| رحمت برس رہی ہے مرے جسم و جان پر |
| لب پر سجا ہے جب سے وظیفہ درود کا |
| ہوتی ہے بارگاہ میں منظور ہر دعا |
| بھیجے دعا کے ساتھ جو ہدیہ درود کا |
| محشر کی سختیوں سے وہ محفوظ ہو گیا |
| جاری ہے جس کے دل میں یہ چشمہ درود کا |
| ہوگی خدا کے فضل سے پر نور قبر بھی |
| کام آۓ گا لحد میں وسیلہ درود کا |
| ہر دم عتیقؔ ہو ترے لب پر درود ہی |
| تجھ پر رہے گا حشر میں سایہ درود کا |
معلومات