| رونقیں سب دہر میں ہیں سیدِ کونین سے |
| تازہ دم ہے زندگی یہ صاحبِ دارین سے |
| عالمِ بالا میں پہلی محفلِ میلاد تھی |
| انبیا کا تھا ملن ماذاغ والے نین سے |
| رہبری کے تھے فروزاں جن کے آنے سے چراغ |
| سلسلہ وہ تام ہے آقائے قبلَہ تین سے |
| زینتیں سنسار کی گلشن نظارے بھی سجے |
| بزم یہ کامل تریں ہے کاملِ دارین سے |
| رویَتِ یزداں کے بھی سرکار ہیں عینی گواہ |
| قل خدا کا فرماں دیکھو والیءِ کونین سے |
| رحمتِ کون و مکاں مولا کے پیارے مصطفیٰ |
| امر ہے لولاک کا بھی ناناءِ حسنین سے |
| کچھ نہ تھا کوئی کہیں بھی ذاتِ واجب کے سوا |
| گفتگو محمود تھی اک ذاتِ نورِ عین سے |
معلومات