| دن رات جو کاوش میں سرشار نظر آیا |
| گھر اس کا ہی آباد و گلزار نظر آیا |
| دانش وروں کا روشن اقدار نظر آیا |
| با علم کا شائستہ کردار نظر آیا |
| احسان و عطا بحر قلزم کے مشابہ ہے |
| انداز عنایت سے معیار نظر آیا |
| تبدیل ہوا شعلے میں کوئی شرارہ ہے |
| اپنے تئیں ہر کوئی بیدار نظر آیا |
| اوروں کے لئے جینا، سچائی پہ ہے مرنا |
| اخلاص و دیانت کا شہکار نظر آیا |
| کٹھ پتلی تماشے کی ہر سمت نمائش ہے |
| بہروپ زمانے کا سنگار نظر آیا |
| ناپید لیاقت ہے، بے درد قیادت ہے |
| دشمن سے ملا اکثر سردار نظر آیا |
| مجروح یہ روحانی قوت بھی ہوئی ناصؔر |
| لالچ کے سبب دل بھی بیمار نظر آیا |
معلومات