| نور ہی نور ہے اور فیضان ہے |
| پیارے آقا ؐ پہ اترا جو قرآن ہے |
| بس گیا دل میں پختہ یہ ایقان ہے |
| "آپ ؐ ختم رسل ؐ میرا ایمان ہے" |
| آئے گا بعد ان ؐ کے نہ کوئی نبی |
| صاف کہتا یہی ہم سے فرقان ہے |
| خلد میں ان ؐ کی امت ہی جائے گی پہلے |
| افضل الانبیا ؐ کا یہ احسان ہے |
| قلب عشق محمد ؐ سے جس کا ہو عاری |
| آخرت میں وہ بندہ پشیمان ہے |
| کب مدینہ کو جائیں ہے بے چین من |
| روضہ ؐ کی ہو زیارت یہ ارمان ہے |
| پیکر عشق کی جاگتی ہے نظیر |
| شہر کتنا مقدس وہ ذیشان ہے |
| دیکھیں جو گنبد خضری ؐ ناصؔر کبھی |
| روح شاداں ہے، جاں اپنی فرحان ہے |
معلومات