| خدا نے ہمیں ان کی امت بنا یا |
| جہاں بر پہ ہے جن کی رحمت کا سایہ |
| مبارک مبارک سلامت سلامت |
| ہمیں خادم دین و ملت بنایا |
| کہا پیارے رب نے ہمیں پیاری امت |
| یہ سب کچھ نبی کے وسیلے سے پایا |
| جدھر تیری منشا ہوئی یا حبیبی |
| ادھر ہی خدا نے ہے قبلہ بنایا |
| ترے پاک رخ کی قسم تیرے رب نے |
| تجھے عیب سے پاک و طاہر بنایا |
| ترا خلق رب نے کہا خلق اعظم |
| تری ہر ادا پر ہے قرآن آیا |
| عتیق ان کی رحمت سے ہے رحمت الله |
| کہ لَا تَقْنَطُوْ رب نے مژدہ سنایا |
معلومات