| عشق اقرار میں ڈوبے تو کہانی مانگے |
| جیسے صحرا میں بھٹکتا ہوا پانی مانگے |
| دل فسوں ساز مہکنے کو ترستا جائے |
| گویا وہ عشق میں اشکوں کی روانی مانگے |
| حسن دھوکہ ہے کسی آنکھ کی بینائی کا |
| عشق دریا ہے نگلنے کو جوانی مانگے |
| یار کا روگ کسی یاد میں ڈھلتا جائے |
| یاد کا ربط وہی شوخ دوانی مانگے |
| ہجر مانگے ہے وہی دن جو ترے ساتھ کٹے |
| آنکھ غم خوار وہی شام سہانی مانگے |
| سوچ سولی پہ چڑھی اندھی عقیدت اکثر |
| جہل کردار سے عظمت کی نشانی مانگے |
| ہوگئ مات جسے وہ ہی تو اب ہر لمحہ |
| ہار سے جیت کی تربت کے معانی مانگے |
معلومات