| پنجابی غزل |
| ججاں دے پت جج بنڑدے نے جرنیلاں دے جرنل |
| ساڈے پتر پڑھ لکھ کے وی ہوندے رہندے خجل |
| اوہناں لئی مربعے بنگلے کاراں آ تے پلازے نے |
| ساڈے لئی ہے ڈی جی سیمنٹ یا پھر منجی کرنل |
| سانوں سڑک تے راہ نئیں ملدا اک دوجے وچ وجدے آں |
| اوہ لنگن تے اینج لنگدے نے ساون دے جیوں بدل |
| کوئی غریب جے اوکھا سوکھا سی ایس ایس کر جاندا اے |
| وڈھی خور ایلیٹ کلاس اچ پئے جاندی اے تھڑ تھل |
| ہر گل کرنی چنگی گل نئیں روک قلم دے گھوڑے نوں |
| نئیں تے کسے نے کڈھ دینڑے نے تیرے سارے کس بل |
| عادل عدل وی ویچ دیندا اے لوڑ پوے جے انور |
| اسیں وکیلاں پچھے ہوندے رہ جاندے آں خجل |
| انور نمانا |
معلومات