| ہر سمت زلفِ یار کی چھائی سی شام ہے |
| اے صبحِ بے مراد تجھے کیا دوام ہے |
| ہر شمع اس کے دستِ تصرف کی ہے کنیز |
| خورشید و ماہ تاب بھی در کا غلام ہے |
| اس دشتِ روح میں ہے فقط تیرا ہی وجود |
| ہر لحظہ دل تجھی سے مرا ہم کلام ہے |
| آدابِ بادہ خواری سے واقف نہیں جو کچھ |
| افسوس آج ان کے ہی ہاتھوں میں جام ہے |
| جو تھا حریفِ کشمکشِ روزگار یاں |
| اس سیاہ بخت کا یہاں کوئی مقام ہے |
| دے کر مجھے امیدِ ستم ہائے روزگار |
| یہ کیا کہ میرے دل کو فقط اب آرام ہے |
معلومات