| یہ شمس چاند مداروں میں کیوں رکھے گئے ہیں؟ |
| حسین لوگ حصاروں میں کیوں رکھے گئے ہیں؟ |
| ہمارے بچے نے کچھ یوں سوال پوچھا تھا |
| ہوا کے بھید غباروں میں کیوں رکھے گئے ہیں؟ |
| جو اپنے آپ میں خود کو خدا سمجھتے ہیں |
| وہ چُست مردے اکھاڑوں میں کیوں رکھے گئے ہیں؟ |
| پرانے لوگ تھے مل بانٹ کے گزارتے تھے |
| جدید لوگ کواڑوں میں کیوں رکھے گئے ہیں؟ |
| انہیں خبر ہی نہیں جن پہ شعر کہتے ہیں |
| علی حماد خساروں میں کیوں رکھے گئے ہیں؟ |
معلومات