| ادب کی لو جلائے رکھنا، گھبرانا نہیں اچھا |
| مقامِ بندگی میں ہاتھ پھیلانا نہیں اچھا |
| اگرچہ تلخ ہے سچ، پھر بھی اس کو پی ہی لیتے ہیں |
| محبت کے قرینوں میں تو کترانا نہیں اچھا |
| ترا اپنا ہی عکسِ خود سری ہے سامنے تیرے |
| بغیر آئینہ دیکھے، ہی تو اترانا نہیں اچھا |
| وہ نکتہ چیں نہیں، وہ تو مری اصلاح کرتے ہیں |
| نفس کے بھیڑیوں کو خود پہ اکسانا نہیں اچھا |
| وفا کی بزم میں بیٹھے ہو، یہ بھی یاد رکھ لینا |
| کسی کی لغزشوں کا ذکر دہرانا نہیں اچھا |
| ہم اپنے عیب گنتے ہیں تو فرصت ہی نہیں ملتی |
| کسی کے نقشِ پا پر آنکھیں مٹکانا نہیں اچھا |
| خموشی ہی میں پوشیدہ ہے رتبہ سرفرازی کا |
| بھری محفل میں اپنا ظرف دکھلانا نہیں اچھا |
معلومات