| میں ترا بندہ خدایا تُو مری جاں کی پناہ |
| ہے گناہوں سے بھرا دامن کھڑا ہوں رو سیاہ |
| مطمئن کر دے جو بندے کو ہے وہ تقویٰ کی راہ |
| راہِ تقویٰ پر نہیں آسان گو چلنا صد آہ |
| قرب اپنا کر عطا سارے گنہ کر دے معاف |
| میں رعایا ہوں تری تُو ہی تو میرا بادشاہ |
| ہیں کنارے آگ کے ظالم اسے لے کر کھڑے |
| گر نہ تیرا رحم ہو گا ہو گی سب دنیا تباہ |
| جاہلوں سے واسطہ ہے ان کو سمجھاؤں میں کیا |
| جانتا ہے تُو مرا ان سے نہیں ہوتا نباہ |
| آگ سے بچنے کا دیتا ہے ہمیشہ مشورہ |
| بارہا قرآن میں تُو نے دیا ہے انتباہ |
| تیرا اک بندہ ترا پیغام ہے پہنچا رہا |
| کب سے اُس نے تو صدا دی خود ہے تُو اس پر گواہ |
| سب دعائیں میری سن لے اے مرے مولا بچا |
| یہ نہ ہو احساس طارق کو کہا سب خواہ مخواہ |
معلومات