| بلند دو جہاں میں یا خدا ترا ہی نام ہے |
| تجھی سے رواں یہ بزمِ کائنات کا نظام ہے |
| ۔ |
| زمین و آسمان میں ہے کل من علیھا فان |
| تو حیّ لا یموت تیرے واسطے دوام ہے |
| ۔ |
| تُو خالقِ جہاں تُو مالکِ جہاں تُو ہی الٰہ |
| تُو ذو الجلال تُو کریم بس تُو ہی سلام ہے |
| ۔ |
| مرے خدا ہے لفظ لفظ جس کا حکمتوں بھرا |
| جو لے کر آئے مصطفیٰ وہ حق ترا کلام ہے |
| ۔ |
| بزرگ بھی تو ہے عزیز بھی مرے خدا تو ہے |
| عظیم بھی تو حمد تیرے واسطے تمام ہے |
| ۔ |
| مدثر اے مرے خدا کرے نہ کیوں تری ہی حمد |
| الہی تیری حمد بر زبانِ خاص و عام ہے |
معلومات