| دل کا چارہ کرنا ہوگا |
| عشق دوبارہ کرنا ہوگا |
| سیسہ پگھلے گا پھر ایسے |
| خود کو پارا کرنا ہو گا |
| سودا گرچہ گھاٹے کا ہے |
| ہم کو خسارہ کرنا ہوگا |
| کیسے نکلیں ماضی سے ہم |
| کچھ تو یارا کرنا ہو گا |
| جلتا ساون ہو یا بارش |
| کوئی سہارا کرنا ہو گا |
| ہم تو کب سے مانے بیٹھے |
| ان کو اشارا کرنا ہو گا |
| چاند کی محفل گر جانا ہے |
| آنکھ کو تارا کرنا ہوگا |
| یار کی خاطر، جان و عالم |
| پارا پارا کرنا ہوگا |
| عشق کی راہیں ٹیڑھی سا غر |
| ہم کو گزارہ کرنا ہوگا |
معلومات