| زندگی سہہ گئے۔ مشیَّت ہے |
| کر لی تسلیم جو بھی قسمت ہے |
| اُس کی مرضی ہے ہم نے کیا کہنا |
| وہ جو کرتا ہے وہ شریعت ہے |
| کیسے تفریق دو میں کی جائے |
| جھوٹ اور سچ کی ایک ہئیت ہے |
| آنکھ کا زاویہ درست کرو |
| یہ خدا سے تمہیں ودیعت ہے |
| ہے عجب فلسفہ محبت بھی |
| مجھ کو اِک خواب سے محبت ہے |
| سرد آہوں نے مجھ سے پوچھ لیا |
| تم کو رونے کی کیا ضرورت ہے |
| "کیا عجب حال ہے تمہارا یہ؟" |
| خواب دیکھے تھے۔ ان کی قیمت ہے! |
| سب یہ کہتے ہیں یہ تو پانی ہے |
| خون رونے کی میری نیّت ہے |
| چند سانسیں ہیں میری مٹھی میں |
| جی رہا ہوں کہ یہ غنیمت ہے |
| تم میں جب وہ جنوں نہیں ہادی |
| تیرے شعروں میں کیا حقیقت ہے |
| سید ہادی حسن |
معلومات