صبحِ نو کے یہاں پیغام الگ ہوتے ہیں |
دل کے جذبات سرِ شام الگ ہوتے ہیں |
لوگ بہروپ بدلتے ہیں یہ کیسے کیسے |
باتیں الفت کی مگر کام الگ ہوتے ہیں |
دو قدم ساتھ چلے چھوڑ گئے لوگ یہاں |
منزلیں اور یہاں گام الگ ہوتے ہیں |
ایک سی روحیں یہ جذبات و خیالات سبھی |
چاہتوں میں مگر اجسام الگ ہوتے ہیں |
مسکراہٹ کے بدل ملتی تھی چاہت بھی کبھی |
اب محبت کے یہاں دام الگ ہوتے ہیں |
اپنی دنیا کے حقائق نظر انداز نہ کر |
خوابِ الفت کے در و بام الگ ہوتے ہیں |
درد ملنے کو بھی اعزاز سمجھتے ہیں سبھی |
چاہنے والوں میں انعام الگ ہوتے ہیں |
عشق و دنیا کا ذرا فرق سمجھ لے حامد |
مقبرے اور ہیں اہرام الگ ہوتے ہیں |
معلومات