| غزل |
| مدحِ جمالِ یار کو مدحِ خدا سمجھ |
| کفُرانِ لطفِ یار بڑا کُفر، نا سمجھ |
| لازم نہیں کہ ہونٹوں سے قول و قرار ہوں |
| ہنستی شریر آنکھوں نے جو کہہ دیا سمجھ |
| قاتل تمھارے ہاتھ بھی رشکِ عروس ہیں |
| خونِ جگر کے داغ کو رنگِ حنا سمجھ |
| دہلیز پر جو دفن ہے دل بے کفن مرا |
| اب تُو اُسی مزار سے اپنا پتہ سمجھ |
| کٹ کر جو سَر بلند ہے وہ سَر جھکا نہیں |
| پِندار عشق تھا یہ، نہ اِس کو اَنا سمجھ |
| تم سے جفا کا شکوہ کروں ٹھیک تو نہیں |
| میّت پہ آ گیا ہے تُو، وعدہ وفا سمجھ |
| زیبا نہیں ہے عشق میں معشوق سے گلا |
| وہ زہر بھی پلائے تو اُس کو دَوا سمجھ |
| مختار ہے تو روک لے ہر ظلم بے خطر |
| ورنہ خموش رِہ، اُسے دل سے بُرا سمجھ |
| وہ شخص پُرسُکون ہے، جس کو سمجھ نہیں |
| فرزند مطمئن ہوں میں، تُو بھی ہے نا سمجھ |
| پردیس میں شہاب نہ غم خوار ڈھونڈ تو |
| جو مسکرا کے دیکھ لے، اس کو بھلا سمجھ |
| شہاب احمد |
| ۲۶ مئی ۲۰۲۶ |
معلومات