| حال ایسا ہوا ہے کہ خوشی یاد نہ غم یاد |
| بس اس دلِ بے تاب کو ہے روۓ صنم یاد |
| ممکن ہے ہوا جاتا ہو دل میرا منافق |
| آئے کبھی مسجد تو کبھی دیر و حرم یاد |
| آج آکے بہت روئے وہ تربت پہ ہماری |
| آۓ ہیں مگر دیر سے یارو اُنھیں ہم یاد |
| مسحور جسے روز کریں تیری نگاہیں |
| پھر کیسے بھلا آئے اسے ساغرِ جم یاد |
| کٹتی ہے ترے ہجر میں کچھ ایسے شبِ غم |
| آتا نہیں دنیا کا کوئی رنج و الم یاد |
| مانا کہ یہ دوری بھی تغافل کا سبب ہے |
| لیکن تقیؔ قصداً ہی کرے ہے مجھے کم یاد |
معلومات