| 11۔5۔2025 |
| امن کو خوش آمدید |
| عجب معجزہ ناگہاں آ گیا |
| کہ امن آشتی کا بیاں آ گیا |
| رہے کوئی نفرت، نہ جنگ و جدل |
| یہ پیغام بر وقت ہاں آ گیا |
| اُٹھی جو دعا دل سے ، پوری ہوئی |
| کہ لفظِ اماں ، بر زباں آ گیا |
| نہ جانے کہاں سے پریشان کُن |
| کہیں سے یہ تھا امتحاں آ گیا |
| چراغوں نے کی گفتگو تو چھٹا |
| اندھیرا تھا جو درمیاں آ گیا |
| نہ شمشیر، نیزہ، نہ زہرِ جفا |
| خوشی ہے ، پیامِ اماں آ گیا |
| جلا دیں گے نفرت کے سب وسوسے |
| کوئی دل میں گر بد ، گماں آ گیا |
| ہواؤں میں گھلنے لگا ہے سکوں |
| ہے سر پر کوئی سائباں آ گیا |
| زمیں پر نئے امن کے گل کھلے |
| چمن کا کوئی باغباں آ گیا |
| جو ٹوٹے ہوئے تھے دلوں کے حرم |
| وہاں پھر سے لطفِ اذاں آ گیا |
| بجھی آگ دل کی، ہوئی آنکھ تر |
| محبت کا جب ترجماں آ گیا |
| ہوا نے بہاروں کی دی ہے نوید |
| اچانک تھا موسم خزاں آ گیا |
| ہمیں بھی ہو طارقؔ ، یہی فن عطا |
| کہیں سب کہ شیریں بیاں آ گیا |
| ڈاکٹر طارقؔ انور باجوہ- لندن |
معلومات