| دل پہ کب اختیار ہے اپنا |
| جب سے دل بے قرار ہے اپنا |
| گمشدہ دل کو پا سکیں پھر سے |
| اب تو بس انتظار ہے اپنا |
| بےسکوں کر گیا ہے آخر کیوں |
| چین دل پر ادھار ہے اپنا |
| عشق میں ہے مگر کشش کیسی |
| جس پہ سب کچھ نثار ہے اپنا |
| عشق نے دشمنی فقط چھوڑی |
| اب رہا کون یار ہے اپنا |
| عشق اپنا نہیں رہا جب تو |
| کون اب راز دار ہے اپنا |
| جسم ماتم کدہ ہوا جب سے |
| اس میں دل سوگوار ہے اپنا |
| ہم نے خود پر ہی فاتحہ پڑھ لی |
| اب یہ دل ہی مزار ہے اپنا |
| زندگی، موت کیا ملے حامد |
| عشق پر انحصار ہے اپنا |
معلومات