| جب بھی انہونا واقعہ ہوتا |
| شور دل میں نہ کیوں بپا ہوتا |
| تو بچھڑتا کسی طریقے سے |
| سانحہ اور کچھ ہوا ہوتا |
| کوئی بھی دکھ نہ دیکھنا پڑتا |
| تو مرے دل میں گر رہا ہوتا |
| دشتِ جاں بھی مثالِ درویشی |
| چاہتوں کا حرم سرا ہوتا |
| میں تری بھی سزا بھگت لیتا |
| ساتھ میرے نہ گر دغا ہوتا |
| لب و رخسار اورزلفوں پر |
| شعر کوئی کبھی ہوا ہوتا |
| میں بھی فردوس سے بری ہو کر |
| تیری دنیا میں آگیا ہوتا |
| میں جگہ اپنی خود بنا لیتا |
| مجھ کو بس راستہ دیا ہوتا |
| ایک ہی رنج رہ گیا دل میں |
| کاش وہ درد آشنا ہوتا |
| آنکھ سے آنکھ بھی نہ ملتی کبھی |
| مجھ پہ یہ رستہ ادھ کھلا ہوتا |
| رنج ہوتا تجھے بھی تند ہوا |
| میں اگر أخری دیا ہوتا |
| جونؔ کاظمی |
معلومات