| اُس کی دُعا میں اِتنا اثر دیکھنے کے بعد |
| دل شادماں ہے اپنا یہ گھر دیکھنے کے بعد |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| پنچھی بھی جا چکے ہیں اسے چھوڑ کر کہیں |
| سوکھا ہوا یہ جڑ سے شجر دیکھنے کے بعد |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| آنکھوں سے ایک پل میں ٹپکنے لگا لہو |
| شہرِ ستم کو ایک نظر دیکھنے کے بعد |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| افسردگی نے جیسے مجھے آ لیا ہو دوست |
| افسوس ناک اس کی خبر دیکھنے کے بعد |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| اترے گا کون مجھ کو بچانے کے واسطے |
| دریا ہے گہرا اور بھنور دیکھنے کے بعد |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| کاہے کو عمر میں نے گزاری ہے درد میں |
| سوچا ہے سیدھی میں نے ڈگر دیکھنے کے بعد |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| ہٹتی نہیں نگاہ اُسے دیکھ کر مری |
| دیکھا نہیں ہے کچھ بھی اُدھر دیکھنے کے بعد |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| مانی کی روح کانپ اٹھی ہے مرے خدا |
| ماتم کُناں یہ آج نگر دیکھنے کے بعد |
معلومات