| ورودِ نبی کی ضیا دیکھتے ہیں |
| دہر کا جو چہرہ نیا دیکھتے ہیں |
| عجب تھی ولادت کہے آمنہ بی |
| برج کسریٰ کا جو گرا دیکھتے ہیں |
| حلیمہ بھرے گود حسنِ جہاں سے |
| وہ چہرہ نبی کا کِھلا دیکھتے ہیں |
| لدے اپنے دامن گدائے نبی نے |
| عطا بیکراں ہے ملا دیکھتے ہیں |
| خدا سے خزانے ملے مصطفیٰ کو |
| یہ خیرات ان کی سخا دیکھتے ہیں |
| رواں سلسلہ ہے جو نوری سحر سے |
| چمن اس کو اُن کی عطا دیکھتے ہیں |
| عُلیٰ ڈنکے اسمِ محمد کے ہر جا |
| سرِ عرش اس کو لکھا دیکھتے ہیں |
| جو سجین میں تھی گری نوعِ انساں |
| ہے پستی سے باہر کُھلا دیکھتے ہیں |
| ملا دینِ کامل ہمیں مصطفیٰ سے |
| سدا جن کے در سے بھلا دیکھتے ہیں |
| اے محمود رب کا بنا انساں بندہ |
| ملی اس کو کیسی جِلا دیکھتے ہیں |
معلومات