| تم اپنی محبت سے جب چاہو مکر جانا |
| دل چاہے تو رک جانا نہ چاہے گزر جانا |
| اک عمر گزاری ہے تم دے نہ سکے کچھ بھی |
| جاتے ہوئے سر پر تم الزام ہی دھر جانا |
| اب دل سے اترنے میں کچھ دیر نہیں لگتی |
| احسان یہ کر جانا چپکے سے اتر جانا |
| ہم خانہ بدوشوں کی منزل ہے نہ راہی ہے |
| تم فکر مری چھوڑو بس لوٹ کے گھر جانا |
| تھا کانچ سا نازک دل پتھر کا صنم اپنا |
| اپنے تو مقدر میں لکھا تھا بکھر جانا |
| ہم درد کے ماروں کا اتنا سا ہے افسانا |
| اک پلک جھپکنے میں اک عمر گزر جانا |
| عادت ہی نہ تھی اپنی اے کاش پلٹ جاتے |
| ناں راس ہمیں آیا یاں آکے ٹھہر جانا |
| نادان بہت تھے ہم آسان سمجھتے تھے |
| اب آ کے محبت کو بس ایک بھنور جانا |
| یہ زندگی اب آ کے شاہدؔ کو سمجھ آئی |
| دکھ لمبے سمے سہہ کر آخر میں ہے مر جانا |
معلومات